Мислите дека знаете сè? Дојдете и докажете го.
Декември е месец на рокови, колоквиуми и долги ноќи над скриптите. Затоа, пред да започне испитната сесија, ви нудиме заслужена пауза: вечер полна со прашања, смеа и натпреварувачки дух, во која единствената задача е да ги надмудрите другите тимови.
Во четврток, 3 декември, МСОС го организира својот прв досега Pub Quiz во Aula Cafe во Љубљана. Соберете ја екипата, смислете име на тимот на кое ќе се смее цела сала и дојдете да се борите за победата.
Што ве очекува?
Ве очекуваат 8 категории прашања, од оние на кои ќе одговорите за две секунди, до оние што ќе предизвикаат жестока дебата на вашата маса:
- Општо знаењеМалку од сè, за тимовите што знаат по малку за сè.
- ГеографијаГлавни градови, реки и планини. Колку добро го познавате светот?
- ИсторијаЗа сите што навистина внимавале на час.
- НаукаЗа научниците во вашиот тим.
- ФилмовиЦитати, актери и сцени што сите ги паметиме.
- МузикаПрепознајте ја песната пред другите тимови.
- СпортЗа оние што ги знаат сите резултати напамет.
- Македонски мемињаКонечно категорија во која скролањето се брои како учење.
Додадете добро пиво, добро друштво и малку здраво ривалство, и го имате рецептот за ноќ за паметење.
Немаш тим? Не грижи се
Не мора да дојдеш со комплетна екипа. Пријави се сам и ќе те поврземе со други натпреварувачи. Кој знае, можеби токму тука ќе ја најдеш својата нова екипа за учење.
Што може да се освои?
Победничкиот тим освојува WOOP! ваучери. А сите останати си заминуваат со добри спомени и право да се фалат дека играле на првиот МСОС Pub Quiz.
Ваучери од
Правила и насоки
- Една пријава по тимЕден член ја пополнува пријавата за целиот тим. Можете да се пријавите и индивидуално.
- 3–5 членови во тимНемате тим? Ќе ве поврземе ние.
- Квизот е на македонски јазикГи охрабруваме пријателите на МСОС од други националности да се здружат со Македонци и да дојдат на настанот.
- Котизација од 20 € по екипаНасоките за плаќање ќе ги добиете на електронска пошта по пријавата.
- Фер играТелефоните и другите помагала се забранети за време на квизот.
- Дојдете на времеВратите се отвораат во 19:30 часот.
За било какви дополнителни информации, контактирајте нè на info.msosorg@gmail.com. Се гледаме на 3 декември!